ئەمڕۆ ڕۆژێکی پڕ لە ئاھەنگە ئاسمان خۆی ڕازاندووەتەوە زەوی بۆنی بەھاری بڵاوکردووەتەوە گوڵەکان لە گڕی شادیاندا پێدەکەنن هەموو جیهان بە جەژن و خۆشییەوەیە سەرقاڵە. بەڵام لەناو ئەم هەموو خۆشییەدا، من تەنها یەک شت دەبینم تەنها تۆ.

ئەمڕۆ تەنها جەژن نییە تەنها نەورۆز نییە تەنها ڕۆژی لەدایکبوونیش نییە ئەمڕۆ ئەو ڕۆژەیە کە تۆ هاتیتە ناو جیهان و من دەزانم کە ئەو کاتەی خوا تۆی دروست دەکرد هەموو گوڵەکانی بەھاری بەکارهێنا هەموو ڕوناکی خۆری بەکارهێنا هەموو خۆشەویستی فریشتەکانی کۆکردەوە بۆ ئەوەی یەک کەس دروست بکات تەنها تۆ.

ئەمڕۆ سێ خۆشییەکە لە یەک کۆبوونەوە
جەژن واتای پیرۆزبایی و ئازادی
نەورۆز واتای دەستپێکی نوێ و نوێبونەوە،
ڕۆژی لەدایکبوونی تۆ واتای هاتنی گەورەترین خۆشی بۆ ژیانم. بەڵام من بۆ تۆ هەموو ئەم ڕۆژانە لە یەک وشەدا کورت دەکەمەوە (تۆ)تۆ جەژنی ژیانی منی تۆ نەورۆزی دڵی منی تۆ ڕۆژێکی کە هەموو ڕۆژانی تری ژیانم ڕوناک دەکەیتەوە.

خۆشەویستەکەم
لەم ڕۆژە پیرۆزەدا دەست دەکەمە سەر دڵیم و دەڵێم
پیرۆز بێت لەدایکبوونت. پیرۆز بێت جەژنت. پیرۆز باێت نەورۆزت. بەڵام لە قووڵایی دڵەوە من هەر ڕۆژێک لەگەڵ تۆ بۆ من جەژنە هەر ساتێک پێکەنینی تۆ دەبینم نەورۆزە. هەر خولەکێک لەگەڵ تۆم وەک ئەوە وایە هەموو ڕۆژانی لەدایکبوونم پێکەوەبین.

هیوادارم تا کۆتایی تەمەن هەموو جەژن و نەورۆز و ڕۆژی لەدایکبوونێک پێکەوە بین. هیوادارم پێکەوە پیر ببین پێکەوە گوڵی ژیانمان هەڵوەرێ پێکەوە خۆری تەمەنمان بەسەر ئاسمانی ژیاندا بڕوات. تۆ تەنها خۆشەویست نیت بۆ من، تۆ ڕۆژەکەمی، تۆ مانگەکەمی، تۆ ساڵەکەمی، تۆ ژیانەکەمی.

دووبارە و هەزار بارە تەمەنت پڕ خێر و خۆشی و شادی بێت.

ئارۆ
ئەو کەسەی کە هەموو ڕۆژەکانی ساڵی دەکات بە جەژن بۆ تۆ.